ترکی میں ۴۰۰۰جامع مساجد کی تعمیر نو

خبررساں ایجنسی شبستان نے بعض عربی ذرائع ابلاغ کےحوالے سے نقل کیا ہے کہ ترکی کے وزیراعظم کے مشیر بولنت ارنتش نے اس ملک کے جنوب مشرق میں واقع شہر دیاربکر کی جامع مسجد کی تعمیر نو کی اختتامی تقریب میں کہا ہے کہ حکومت کے تعاون سے دس سالوں کے دوران چار ہزار جامع مساجد کی تعمیر نو کی جا رہی ہے۔
انہوں نے مزید کہا ہے کہ ہمارا ایمان اخلاق اور ہماری ساری اقدار کا سر چشمہ اسلام ہے اور ان صدیوں کے دوران یہ ارتباط قائم و دائم ہے۔ بنابریں ہم ان مساجد کی تعمیر اور ان کی حفاظت کے ذمہ دار ہیں۔
ارنتش نے کہا ہے کہ ترکی کی موجودہ حکومت نے دس سالوں کے دوران ان مساجد کی تعمیر نو کے لیے ۹سے ۱۰ارب ترکی لیرہ کو مختص کیا ہے اور۷۰ ہزار افراد اس میدان میں کام کر رہے ہیں۔
انہوں نے آخر میں کہا ہے کہ دیاربکر کی مسجد کی تاریخ اس شہر کی اسلامی فتح کی طرف پلٹتی ہے اور ترکی کے لوگ اس مسجد کو اس ملک کی پانچ اہم جامع مساجد میں سے شمار کرتے ہیں