بین الاقوامی: بحرین میں شہری منہدم شدہ مساجد کے کھنڈرات پر نماز ادا کرنے پر مجبور ہیں۔
خبررسں ایجنسی شبستان نے نیوز ایجنسی براثا کے حوالے سے خبر شائع کی ہے کہ گذشتہ رات بھی دسیوں بحرینی شہریوں نے سیکورٹی فورسز کے ہاتھوں منہدم شدہ مساجد کے کھنڈرات پر نماز جماعت ادا کی۔ واضح رہے کہ بحرینی شہری ہفتے میں کم از کم ایک مرتبہ منہدم شدہ مساجد کے کھنڈرات پر نماز جماعت قائم کرتے ہیں۔
یاد رہےکہ بحرین کی سیکورٹی فورسز نے 38 مساجد کو گرادیا ہے اور حکومت نے ابھی تک انہیں دوبارہ تعمیر نہیں کیا۔ بحرینی شہریوں کا کہنا ہے کہ جب تک یہ مساجد دوبارہ تعمیر نہیں ہوتیں وہ ان مساجد کے کھنڈرات پر نماز ادا کرتے رہیں گے۔
source : http://shabestan.net/
