خبررساں ایجنسی شبستان: فرانس کےشہر یوراکس Évreux کی اسلامی انجمن کے سربراہ نے فرانس کے ہر علاقے میں مسلمانوں کے لیے قبرستان تعمیر کرنے کی ضرورت پر زور دیا ہے۔
خبررساں ایجنسی شبستان نے فرانسیسی خبررساں ایجنسی کے حوالے سے نقل کیا ہےکہ فرانس کے شہر یوراکس کی اسلامی انجمن کے سربراہ پاب کابو نے فرانس کےمختلف علاقوں میں مسلمانوں کے لیے قبرستان تعمیر کرنے کی ضرورت پر زور دیا ہے۔
یوراکس شہر کے مئیر میشل شامپردون نے اپنے ہمسایہ علاقوں کو اسلامی قبرستان بنانے کی ترغیب دلائی ہے اور اسے مکمل طور پر قانونی قرار دیا ہے۔
یوراکس کے مسلمانوں کی انجمن کے ایک رکن مصطفی بودجی نے اس منصوبے کو سراہتے ہوئے کہا ہے کہ فرانس کی طرف ہجرت کر کے آنے والے مہاجروں پر لازم ہے کہ وہ اپنے دینی اعتقادات کے مطابق مردوں کو دفن کریں۔
موصولہ رپورٹ کے مطابق اگرچہ ۱۹۹۷ء سے یوراکس شہر کے محلے میڈلین کے ڈایفس پارک میں اسلامی قبرستان کی تعمیر کی گئی ہے اور اس قبرستان کی توسیع کے لیے بلدیہ کی تائید کے باوجود دیگر علاقوں کے مسلمانوں کے لیے یہ قبرستان کافی نہیں ہے جبکہ یوراکس شہر کی بلدیہ نے کہا ہے کہ مردوں کو انہیں علاقوں میں دفن کیا جائے۔
source : http://shabestan.net
