امریکی قومی سیکورٹی ایجنسی کی ویب سائٹ کئی گھنٹوں سے ڈاوٴن ہے خدشہ ہے کہ اسے ہیک کرلیا گیا ہے۔
ابنا: امریکی قومی سیکورٹی ایجنسی کی ویب سائٹ کئی گھنٹوں سے ڈاوٴن ہے خدشہ ہے کہ اسے ہیک کرلیا گیا ہے۔ نیشنل سیکیورٹی ایجنسی کی ویب سائٹ جمعہ کی شام سے ڈاوٴن ہے جسے اب تک بحال نہیں کیا گیا۔ ایجنسی کے ترجمان کے مطابق ویب سائٹ ڈاوٴن ہونے کی تحقیقات کی جارہی ہیں۔انہوں نے اس کی وجوہات نہیں بتائیں۔این ایس اے جاسوسی کے حوالے سے عالمی سطح پر امریکہ کے خلاف شدید غم وغصے کا باعث بنا ہوئی ہے۔ عالمی رہنماوٴں اور اداروں کی جاسوسی کی تفصیلات سابق امریکی اہلکار ایڈورڈ سنوڈن نے وکی لیکس کے ذریعے منظر عام پر لائی تھیں۔ برطانوی اخبار گارڈين نے انکشاف کیا ہے کہ امریکہ 35 عالمی رہنماوٴں کے ٹیلی فون ٹیپ کرتا رہا ہےجن میں جرمن چانسلر اور فرانس کے صدر اولاند بھی شامل ہیں اور اس طرح امریکہ نے پوری دنیا میں بے اعتمادی کا بیج بودیا ہے۔
source : abna