بین الاقوامی: فرانس کے شہر "کولمر" اور "پیرس" کی دو مساجد میں آدھی رات کے وقت چوری ہوئی ہے۔
خبررساں ایجنسی شبستان نے فرانس کی نیوز ایجنسی کے حوالے سے خبرشائع کی ہے کہ فرانس کے شہر کولمر اور پیرس کی دو مساجد میں آدھی رات کے وقت چوری ہوئی ہے۔ پیرس میں مسجد "العمل" میں چور دروازہ توڑ کر داخل ہوئے۔ چوروں نے اس مسجد میں موجود صندوق (safe box) سے رقم نکال لی۔ واضح رہے کہ اس باکس میں موجود رقم لوگوں کی دی ہوئی مالی امداد تھی۔
اس مسجد کی انتظامیہ نے واقعہ کے خلاف تھانے میں رپورٹ درج کروالی ہے۔ واضح رہے کہ اس قسم کا واقعہ شہر کولمر میں "النصیحہ" نامی مسجد میں بھی پیش آیا ہے البتہ اس مسجد میں چور دروازے کے بجائے کھڑکی سے مسجد میں داخل ہوئے۔ یاد رہے کہ فرانس میں مساجد پر حملے اب روز کا معمول بن چکے ہیں۔
source : http://shabestan.net
