۔ کی رپورٹ کے مطابق نیویارک میں انسانی حقوق کے کارکن گزشتہ کئی ہفتوں سے امریکی پولیس کی جانب سے طاقت کے بیجا استعمال کے خلاف احتجاج اور مظاہرے کر رہے ہیں۔ نیویارک کے میئر نے مظاہرین سے درخواست کی تھی کہ اپنا احتجاج بند کر دیں جسے مظاہرین نے مسترد کر دیا ہے۔
نیویارک میں دو پولیس افسروں کے قتل کے بعد میئر بل ڈبلاسیو نے احتجاج کے خاتمے کی درخواست کی تھی۔ در ایں اثنا، انسانی حقوق کے کارکنان نے نیویارک شہر کے مینہیٹن علاقے میں نئے مظاہرے اور دھرنے کی اطلاع دی ہے۔ مظاہروں کے منتظمین نے ایک بیان میں کہا ہے کہ سیاہ فام شہریوں پر پولیس کے مظالم کے مد نظر میئر کا یہ مطالبہ غیر منصفانہ اور ظالمانہ ہے۔
نیویارک میں گشت پر مامور دو پولیس افسروں کے قتل کے واقعہ کے بعد شہر کے میئر اور دیگر حکام نے مظاہرین سے کہا تھا کہ شہر میں امن و سلامتی کے پیش نظر وہ اپنا احتجاج بند کر دیں۔ امریکہ میں پولیس کی زیادتیوں اور طاقت کے بیجا استعمال کے خلاف احتجاج اور مظاہروں کا سلسلہ جاری ہے۔
source : www.abna.ir