مسلمان سب سے زیادہ دہشت گردی کا شکار

کی رپورٹ کے مطابق نیٹو کے سکریٹری جنرل "ینس اسٹولنبرگ" نے اس امر پر تاکید کرتے ہوئے کہ مسلمان دہشت گردی کا سب سے زیادہ نشانہ بن رہے ہیں کہا کہ ہمیں کسی مذہب اور قوم کو دہشت گردی کا ذمہ دار قرار نہیں دینا چاہئے اور مسلمانوں کے ساتھ مشترکہ طور پر اس مسئلے کا مقابلہ کرنا چاہئے۔ ینس اسٹو لنبرگ نے مزید کہا کہ دہشت گردی سے مقابلے کے لئے کچھ اقدامات کی ضرورت ہے اور یہ تمام یورپی ملکوں کا فریضہ ہے اور پولیس اور انٹلی جنس اداروں کو بھی اس سلسلے میں بہت قریبی تعاون انجام دینا چاہئے۔ انہوں نے کہا کہ دہشت گرد ایسے جارح عناصرہیں جن کے خلاف بھرپور مقابلے کی ضرورت ہے اور یہ کہنا ابھی جلدی ہوگی کہ پیرس میں حملہ کرنے والوں کے محرکات کیا تھے ۔ نیٹو کے سکریٹری جنرل نے کہا کہ مسلمان ہی سب سے زیادہ دہشت گردی کی بھینٹ چڑھ رہے ہيں، اور بیشتر مسلمان دہشت گردی کی مذمت کرتے ہیں اور ہم بھی دہشت گردی کی مذمت کرتے ہيں اور یہ وہ چیز ہے جس سے ہمیشہ اور ہر جگہ نفرت کی جاتی رہی ہے۔ واضح رہے کہ بدھ کے روز فرانس کے شہر پیرس میں ہفتہ وار چارلی ایبڈو اخبار کے دفتر پرحملے میں بارہ افراد ہلاک ہوگئے تھے