راولپنڈی، وحدت اسلامی کانفرنس

کانفرنس سے خطاب کرتے ہوئے ناصر عباس شیرازی نے کہا کہ شیعہ اور سنی اسلام کے دو بازو ہیں جو ملکر اسلام کا دفاع کر سکتے ہیں۔ تکفیری اس وقت تنہا ہو چکے ہیں، اور ان کی فکر و نظریہ کو پوری امت نے مسترد کر دیا ہے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق امامیہ اسٹوڈنٹس آرگنائزیشن پاکستان راولپنڈی ڈویژن کے زیراہتمام وحدت اسلامی کانفرنس کا اہتمام کیا گیا جس میں طلباء کی بڑی تعداد سمیت مختلف شعبہ ہائے زندگی سے تعلق رکھنے والے افراد نے شرکت کی۔ کانفرنس سے مرکزی صدر آئی ایس او تہور حیدری، مجلس وحدت مسلمین کے سیکرٹری سیاسیات ناصر عباس شیرازی، علامہ علی حسین مدنی، تحریک اسلام کے سربراہ علامہ حیدر علوی، مصطفوی سٹوڈنٹس موومنٹ کے مرکزی صدر عرفان یوسف اور انجمن طلبا اسلام کے سکرٹری جنرل جہانزیب ستی نے خصوصی خطاب کیا۔ کانفرنس سے خطاب کرتے ہوئے ناصر عباس شیرازی نے کہا کہ شیعہ اور سنی اسلام کے دو بازو ہیں جو ملکر اسلام کا دفاع کر سکتے ہیں۔ تکفیری اس وقت تنہا ہو چکے ہیں، اور ان کی فکر و نظریہ کو پوری امت نے مسترد کر دیا ہے۔