کرکوک میں پیشمرگہ فورس نے دی داعش کو بھاری شکست

عراق سے موصولہ رپورٹ کے مطابق صوبہ کرکوک کے جنوبی علاقے میں دھشتگرد ٹولے داعش اور کرد فورس پیشمرگہ کے درمیان ہوئی جھڑپوں میں ۱۰۳ داعشی ہلاک اور ۱۴۰ زخمی ہوئے ہیں۔
کرد فورس کے جنرل کمانڈر نے اعلان کیا ہے کہ داعش کو جنوبی کرکوک پر حملہ کرنے سے روک دیا گیا ہے اور انہیں بھاری شکست دے کر عقب نشینی پر مجبور کر دیا ہے۔
عراقی حکام نے بھی پیشمرگہ فورس کے جنوبی کرکوک میں داعش پر کئے گئے حملوں اور اسے دی جانے والی شکست کو سراہتے ہوئے کہا ہے کہ داعشی ٹولہ جنوبی کرکوک پر حملہ کر کے اس علاقے کو بھی اپنے قبضے میں لینے کی کوشش کر رہا تھا کہ پیشمرگہ فورس نے اسے بھاری شکست دے کر عقب نشینی پر مجبور کر دیا ہے۔