رپورٹ کے مطابق میانمار کی فضائیہ نے ہفتے اور اتوار کو باغیوں کے ٹھکانوں پر ہوائی حملہ کرکے لاؤکای - کونگیان کے راستے ميں ان کے کئي اڈوں پر قبضہ کرلیا- بتایا جاتا ہے کہ ان جھڑپوں میں چار فوجی ہلاک اور اکیس زخمی ہوگئے ہیں- حملوں کے دوران تین باغی مارے گئے اور ان کو اپنے بہت سے ہتھیاروں سے بھی ہاتھ دھونا پڑا ہے- میانمار کے حکام نے اتوار کو کہا تھا کہ باغیوں نے صوبہ شان کے شہر لاکای کے مضافات کی طرف جانے والی ایک بین الاقوامی امدادی ٹیم کی گاڑی پر حملہ کیا ہے جس کے نتیجے میں پانچ افراد زخمی ہوگئے- اس گاڑی پر صحافیوں اور عام شہریوں سمیت تیرہ افراد سوار تھے- چین سے ملحق میانمار کے سرحدی علاقے کودانگ میں ہونے والی جھڑپوں میں نو فروری سے تیزی آگئي ہے جس کے باعث چھ سال سے بند جھڑپوں کےدوبارہ شروع ہوجانے کے سلسلے میں پھر تشویش پیدا ہوگئی ہے- ابھی تک دور دراز واقع اس علاقے میں دوبارہ جھڑپیں شروع ہو جانے کی وجوہات واضح نہیں ہیں- چین سے ملحق میانمار کی سرحد ی علاقے میں ہونے والی جھڑپوں کے باعث اس علاقے کے تیس ہزار سے زيادہ افراد گھر بار چھوڑ کر چین فرار کرگئے ہيں جبکہ میانمار میں بے گھر ہونے والوں کی تغداد اس کے علاوہ ہے
source : www.abna.ir