عراقی افواج نے فلوجہ کے مغرب میں دو اہم علاقوں کو داعش سے آزاد کرانے کے لئے آپریشن شروع کردیا

کی رپورٹ کے مطابق عراق کے صوبہ الانبار کی صوبائی کونسل کے چیئرمین صباح کرحوت نے پیر کو اعلان کیا ہے کہ عراق کی فوج، الانبار کی پولیس،قبائلی لشکر اورعوامی رضاکار فورس الحشد الشعبی نے فلوجہ کے مغرب میں واقع دو اہم علاقوں الحلابسہ اور البوعلوان کو داعش کے قبضے سے آزاد کرانے کے لئے آپریشن شروع کردیا ہے۔

انھوں نے بتایا کہ اس آپریشن کا مقصد مذکورہ دونوں علاقوں کو آزاد کراکے فلوجہ خالدیہ شاہراہ اور شہرالرمادی تک پہنچنے کا راستہ کھولنا ہے۔

یاد رہے کہ عراقی افواج نے اتوار کو فلوجہ کے تمام علاقوں کو داعش سے پاک کردینے کے بعد فلوجہ آپریشن کے خاتمے کا اعلان کردیا تھا۔

عراقی افواج نے گزشتہ چند مہینے میں الرمادی اور تکریت سمیت کئی اہم شہروں کو داعش کے قبضے سے آزاد کرانے کے بعد ایک انتہائی پیچیدہ آپریشن میں اسٹریٹیجک اہمیت کے شہر فلوجہ کو بھی مکمل طور پرآزاد کرالیا ہے۔