۔ کی رپورٹ کے مطابق امریکی فوج نے جمعرات کو اعلان کیا کہ اس کے اہلکاروں پر اس وقت حملہ کیا گیا جب وہ قندوز میں طالبان کے خلاف جنگ میں افغان فوجیوں کے لئے کمک پہنچا رہے تھے- امریکی فوج کے بیان میں کہا گیا ہے کہ یہ امریکی فوجی افغان فوجیوں کی ٹریننگ پر مامور تھے-
واضح رہے کہ امریکہ نے دو ہزار ایک میں طالبان کی حکومت کا خاتمہ اور دہشت گردوں کا صفایا کرنے کے بہانے افغانستان پر حملہ کیا تھا لیکن افغانستان میں دہشت گرد گروہ طالبان کا نہ صرف یہ کہ خاتمہ نہیں ہوا بلکہ وہ بدستور اپنی سرگرمیاں جاری رکھے ہوئے ہے-
امریکی صدر باراک اوباما نے دو مہینے قبل اعلان کیا تھا کہ وہ دو ہزار سولہ کے آخر اور اپنے دور صدارت کے اختتام تک افغانستان میں نو ہزار آٹھ سو امریکی فوجی باقی رکھیں گے- امریکہ دو ہزار سترہ میں بھی ساڑھے پانچ ہزار فوجی باقی رکھنا چاہتا ہے-
یہ ایسی حالت میں ہے کہ اوباما نے وعدہ کیا تھا کہ وہ اپنے دورصدارت کے اختتام تک کچھ فوجیوں کو چھوڑ کر باقی سبھی امریکی فوجیوں کو افغانستان سے نکال لیں گے- واضح رہے کہ دو ہزار ایک میں افغانستان پر امریکہ کے حملے کے بعد سے اب تک ڈھائی ہزار کے قریب امریکی فوجی ہلاک ہو چکے ہیں-
source : abna24