۔ کی رپورٹ کے مطابق قطر کے ساتھ سعودی عرب کے اور اس کے اتحادیوں کے اختلافات کے بعد الجزیرہ ٹیلی ویژن نے اپنی رپورٹ میں انکشاف کیا ہے کہ متحدہ عرب امارات نے جنوبی یمن میں خفیہ جیل قائم کر رکھی ہے۔
اس رپورٹ کے منظر عام پر آنے کے بعد ایمنسٹی انٹرنیشنل نے یمن میں جارح ملکوں کی خفیہ جیلوں کی فوری تحقیقات کا مطالبہ کیا ہے۔
یمن کی وزارت انسانی حقوق کے جاری کردہ بیان میں سعودی عرب اور اس کے زرخرید غلاموں کے ہاتھوں خفیہ جیلوں کے قیام کی مذمت کرتے ہوئے اقوام متحدہ کے سیکریٹری جنرل سے فوری تحقیقات کا مطالبہ کیا گیا ہے۔
بیان میں اقوام متحدہ پر زور دیا گیا ہے کہ وہ اپنی قانونی اور انسانی ذمہ داریوں پر عمل کرتے ہوئے یمن کے خلاف سعودی عرب اور اس کے اتحادیوں کی جارحیت بند کرائے۔
یمن کی وزرات انسانی حقوق نے جنوبی یمن کے شہریوں کو متحدہ عرب امارات کی خفیہ جیل سے رہا کرانے کا بھی مطالبہ کیا ہے۔
