اسکاٹ لینڈ کی فسٹ منسٹر ’’نکولا سٹورجن‘‘ کا علم امام حسین (ع) کو خراج تحسین/ مغربی دنیا کے لیے تاریخی لمحہ

اہل بیت(ع) نیوز ایجنسی۔ابنا۔ اسکاٹ لینڈ کے شہر ایڈنبرگ کی جامع مسجد کے امام حجۃ الاسلام و المسلمین سید علی عباس رضوی نے اس ملک کی فسٹ منسٹر نکولا سٹورجن سے ملاقات کے دوران حرم مطہر امام حسین علیہ السلام کا علم مبارک انہیں تحفہ میں دیا۔
محرم الحرام کے موقع پر ایڈنبرگ کی شیعہ جامع مسجد کے امام نے نکولا سٹورجن کو حرم مطہر امام حسین علیہ السلام کا علم تحفہ میں دیا جس کے بعد اس سٹورجن نے علم مبارک کے تئیں خراج تحسین پیش کیا۔
اسکاٹ لینڈ کی فسٹ منسٹر نے ماہ محرم کی آمد پر اس سے قبل ایڈنبرگ کی شیعہ انجمن کو شہادت امام حسین علیہ السلام کے ایام کی مناسبت سے تعزیت بھی پیش کی تھی۔
اسکاٹ لینڈ کے میڈیا نے نکولا سٹورجن کے اس اقدام کو مغربی دنیا کے لیے ایک تاریخی لمحہ قرار دیا۔