کابل میں عید الفطر کے موقع پر صدر اشرف غنی کا خطاب

اہل بیت (ع) نیوز ایجنسی ۔ ابنا ۔ کی رپورٹ کے مطابق کابل میں عید الفطر کے موقع پر خطاب کرتے ہوئے صدر اشرف غنی کا کہنا تھا کہ گزشتہ رات سے ملک کے مختلف علاقوں میں طالبان کے حملے بند ہوگئے ہیں۔انہوں نے جنگ بندی کے اعلان کو ملک میں امن و امان کے قیام کے حوالے سے انتہائی اہم قرار دیتے ہوئے کہا کہ طالبان کے ساتھ جنگ بندی کا دورانیہ بڑھنے کی امید ہے۔افغانستان کے صدر کا کہنا تھا کہ انہیں توقع ہے کہ طالبان جنگ بندی کی عوامی خواہش کا احترام اور اس کی مدت میں اضافہ کریں گے۔

انہوں نے علمائے کرام کی جانب سے جنگ اور دہشت گردانہ حملوں کو حرام قرار دیئے جانے کے فتووں کا خیر مقدم کرتے ہوئے کہا کہ حکومت نے علمائے کے فتوؤں کی روشنی میں طالبان کے ساتھ جنگ بندی کا اعلان کیا ہے۔قابل ذکر ہے کہ حکومت افغانستان نے عید الفطر کے موقع پر ملک میں پانچ روز کی جنگ بندی کا اعلان کیا تھا جس کا طالبان نے بھی خیرمقدم کیا ہے۔