ایرانی و امارات کی پارلیمانوں نے عالم اسلام کی اتحاد پر زور دیا

لاریجانی نے کہا کہ اسلامی جمہوریہ ایران اور حضرت امام خمینی (رہ) کی سب سے بڑی کوشش عالم اسلام میں اتحاد اور یکجہتی قائم کرنا اور انھیں عالمی سامراجی طاقتوں کے شوم منصوبوں سے آگاہ کرناہے لاریجانی نے کہا کہ شاہ  ایران کی سابق حکومت اسرائيل اور امریکہ کی اتحادی حکومت تھی جبکہ انقلاب اسلامی کی کامیابی کے بعد ایران عرب اور اسلامی ممالک کے ہمراہ اسرائیل کا مقابلہ کرنے کے لئے آمادہ ہے۔ لاریجانی نے کہا کہ انقلاب اسلامی کی کامیابی کے بعد امریکی اشارے پر صدام نے ایران پر حملہ کردیا اور بعض عرب ممالک نے اس جنگ میں صدام کی بھر پور حمایت کی اور انھوں نےاس جنگ کو عرب و عجم جنگ قراردینے کی ہر ممکن کوشش کی لیکن حضرت امام خمینی (رہ) کی حکیمانہ رفتار کی وجہ سے وہ اس منصوبے میں ناکام ہوگئے۔ لاریجانی نے کہا کہ آج بھی دشمن عربوں کو ایران سے ڈرانے کی کوشش کررہا ہے اور یہ اسرائیلی پروجیکٹ کا حصہ ہے انھوں نے کہا کہ عرب ممالک کو امریکہ اور اسرائیل کے مکر و فریب سے ہوشیار رہنا چاہیے۔
اس ملاقات میں متحدہ عرب امارات کی پارلیمان کے سربراہ نے کہا کہ ایران ایک بزرگ ہمسایہ ممالک ہے ۔ خلیفہ عبداللہ نے کہا کہ ایران ہمارا بڑا تجارتی اور اقتصادی شریک ہے۔ اس نے کہا کہ اسلامی ممالک کے درمیان بہت سے مشترکات ہیں اور ہمیں اسلامی ممالک کے درمیان اتحاد کو فروغ دینے کے لئے جد وجہد کرنی چاہیے۔