اسلامی جمہوریہ ایران کی لڑکیوں کی فٹبال ٹیم کو حجاب پہننے کی سزا کے طور پر سنگاپور میں یوتھ اولمپک گیمز سے باہر کردیا گیا۔
اطلاعات کے مطابق اس سلسلے میں ایران کی جانب سے پابندی پر نظرثانی کی اپیل فیفا نے مسترد کردی ۔ایشین فٹب ال فیڈریشن نے ایک بیان میں بتایا کہ فیفا قواعد کے مطابق حجاب پہن کر کوئی لڑکی یا عورت فٹ بال نہیں کھیل سکتی۔اس لیے 14سے 25 اگست تک سنگاپور میں ہونے والے یوتھ اولمپک میں ایرانی لڑکیوں کی ٹیم حصہ نہیں لے سکتی اور اب اس کی جگہ تھائی لینڈ یوتھ اولمپک فٹبال میں ایشیا کی نمائندگی کرے گا۔ ایران کی قومی اولمپک کمیٹی نے فیفا اور انٹرنیشنل اولمپک کمیٹی سے پابندی پر نظرثانی کی اپیل کی۔ مگر فیفا کے سیکریٹری جنرل جیروم والکے نے اسے مسترد کردیا۔ ایران کی فٹبال ٹیم میں شامل کھلاڑیوں کا کہنا ہے کہ ہماری ثقافت اوراسلام کے قوانین کا احترام کرتے ہوئے فیفا کو کسی قسم کے تعصب بغیر باحجاب مسلمان لڑکیوں کو کھیل کی اجازت دیدینی چاہیے اور محض حجاب کو بہانہ بناکر کھیل سے محروم کردینا بے انصافی ہے ۔ ایرانی کھلاڑیوں کا کہنا ہے کہ ہم کھیل تو چھوڑسکتے ہیں لیکن اپنے حجاب کو ہرگز ترک نہیں کریں گے ۔
source : http://abna.ir/data.asp?lang=6&Id=183424