سماجی:ایران کے شہراصفہان کی میونسپل کمیٹی کے سماجی وثقافتی مشیر نے رواں سال کے اختتام تک اس شہرکی سب سے بڑی مسجد کے تعمیراتی کام کے آغاز کی طرف اشارہ کرتے ہوئے کہا ہے کہ اسلامی معماری پرمشتمل یہ مسجد اصفہان کی زائندہ نہرکے کنارے پرایک روحانی اورعبادی ماحول ایجاد کرنے میں موثرواقع ہوگی۔
صوبہ اصفہان کی میونسپل کمیٹی کے سماجی وثقافتی مشیرحبیب اللہ تحویل پورنے شبستان کے نامہ نگارسے بات چیت کے دوران کہا ہے کہ عنقریب اس شہرکی زائندہ نہرکے کنارے اصفہان کی سب سے بڑی مسجد کا سنگ بنیاد رکھا جائے گا۔
انہوں نے مزید کہا ہے کہ اس نہر کے کنارے دومساجد کے ہونے کے باوجود ان علاقوں میں ایک بہت بڑی مسجد کی کمی تھی اسی بنا پر اس شہرکی میونسپل کمیٹی نے یہ فیصلہ کیا ہے کہ اس جگہ پراصفہان کی سب سے بڑی مسجد کی تعمیرکی جائے۔
انہوں نے کہا ہے کہ اس پراجیکٹ کے لیے زمین کی فراہمی اورنقشے کی ڈیزائننگ اورتعمیرکا پرمٹ جیسے امورکی ذمہ داری اس شہرکی میونسپل کمیٹی کے ذمہ ہے اوراس مقدس مقام کے دیگرتعمیراتی کام مخیرحضرات کے تعاون سے انجام دیے جائیں گے۔
اصفہان شہرکی میونسپل کمیٹی کے سماجی وثقافتی مشیرنے آخرمیں کہا ہےکہ اس بات کے پیش نظر کہ زایندہ نہرکا کنارہ سرسبزاورتفریحی مقام ہے یہ مسجد اس نہر کے اطراف کے ماحول کوروحانی اورمعنوی بنانے میں موثرکردارادا کرے گی۔
source : http://www.shabestan.net