بین الاقوامی: آمریکہ کے مسلمانوں کے ایک گروپ نے آمریکی شہریوں کواسلامی شریعت کے عمیق مفاہیم اورمعانی کی تعلیم دینے کے لیے ایک تحریک کا آغاز کیا ہے۔
خبررساں ایجنسی شبستان کی رپورٹ کے مطابق آمریکہ کے ایک اسلامی گروپ نے آمریکی شہریوں کواسلامی شریعت کے اصولوں کی تعلیم دینے کے لیے ایک تحریک کا آغاز کیا ہے کیونکہ نائن الیون کےواقعہ کے بعد سے اب تک منفی پروپیگنڈوں کی وجہ سے اسلام اورمسلمانوں کے بارے منفی سوچ پائی جاتی ہے۔
شمالی آمریکہ کی مسلم جماعت(ICNA )کے تعلقات عامہ کے سربراہ نعیم بیگ نے اس حوالے سے کہا ہے کہ مسلمانوں کی یہ جماعت، آمریکی شہریوں سے رابطہ قائم کرنے اورانہیں دین اسلام سے آگاہ کرنے کے لیے حقیقی معنوں میں کوششیں کررہا ہے۔
انہوں نے مزید کہا ہے کہ ہم سب پریہ ذمہ داری عائد ہوتی ہے کہ آمریکی عوام کے اذہان میں اسلام اورمسلمانوں کےبارے غلط سوچ کوختم کرنے کی کوشش کرنی چاہیے اوراس حوالے سے ہماری گردن پربہت بڑی ذمہ داری عائد ہوتی ہے۔
ان کےبقول اس تحریک کے افتتاح کا مقصد آمریکی شہریوں کواسلام کے حیرت انگیزاورحیران کن مفاہیم اورمعانی کی تعلیم دینا چاہتے ہیں۔
شمالی آمریکہ کی مسلم جماعت نے آمریکہ کے مختلف علاقوں میں ریڈیو،ٹی وی پرتبلیغ اورکانفرنسوں کے انعقاد کے ذریعے آمریکی معاشرے میں اسلام کی اہمیت کواجاگرکرنے کا تہیہ کررکھا ہے۔
اس سائٹ کی ایک رپورٹ میں آیا ہے کہ مسلمانوں کویہ تعلیم دی جاتی ہے کہ جس سرزمین پروہ زندگی بسرکررہے ہیں اس کے قوانین کا اس صورت میں احترام کریں کہ جب تک وہ قوانین ان کےاعتقادت کے ساتھ منافی نہ ہوں۔
source : http://www.shabestan.net
