بین الاقوامی: آیووا شہر کے مسلمانوں نے اس شہرکی مسجد میں ایک پروگرام منعقد کرکے فاکس نیوز جیسے میڈیا کے منفی پروپیگنڈوں کا مقابلہ کرنے کا فیصلہ کیا ہے۔
آیووا شہر کے مسلمان قائدین نے اپنے امریکی ہمسائیوں کو اسلامی اعتقادات کی تعلیم دینے اوردین اسلام کے بارے پائے جانے والے غلط افکارکے خاتمے کے لیے ایک تحریک کا آغاز کیا ہے۔
آیووا شہرکے ایک شہری عبداللہ نے اس بارے کہا ہے کہ فاکس نیوزکی خبریں باعث بنتی ہیں کہ مخاطبین ،اسلام اور مسلمانوں کے بارے صحیح معلومات حاصل نہ کرسکیں۔ یادرہے کہ گزشتہ چند مہینوں سے اسلامی معاشرے کے قاَئدین نے باہمی تعاون سے امریکی معاشرے کواسلام کے بارے غلط تصورات سے پاک کرنے کا فیصلہ کیا ہے۔
اس مقصد کے تحت آیووا شہر کے مسلمانوں نے اس شہرکی ایک مسجد میں ایک میٹنگ کی ہے تاکہ دین اسلام کی حقیقت اور واقعیت کے بارے شرکاء کے سوالات اور ابہامات کا جواب دیا جاسکے اور انہیں مناسب تعلیم دی جاسکے۔ا سی طرح یہ فیصلہ کیا گیا ہے کہ اس مسجد کے مسلمان قائدین ہرمہینے مقامی عیسائی معاشرے کے اراکین سے بھی ملاقات کریں تاکہ ایک متفقہ اور مشترکہ نکات پربات کی جاسکے اور ایک دوسرے کے اعتقادات کا احترام کرتے ہوئے ایک واحد معاشرے کوتشکیل دیاجاسکے۔
اس کے علاوہ آیووا شہر کی مسجد ہرہفتے غیرمسلمانوں کے لیے مسجد کے دروازے کھولے گی تاکہ نمازجمعہ میں شرکت کا شوق رکھنے والے افراد اس مذہبی پروگرام میں شرکت کریں اور اسلام کے بارے معلومات حاصل کرسکیں۔
source : http://shabestan.net/
