قزاقستان کے پبلک مقامات پر نماز پڑھنے پر پابندی

خبررساں ایجنسی شبستان نے عربی ذرائع ابلاغ کے حوالے سے نقل کیا ہے کہ قزاقستان کی پارلیمنٹ نے اپنے ایک فیصلے کے تحت اس ملک کے پبلک مقامات پر نماز پڑھنے پر پابندی لگادی ہے۔
قابل ذکر ہے کہ قزاقستان کی پارلیمنٹ نے اس ملک میں دینی شعائر کو انجام دینے پر پابندی کے نئے قانون کہ جسے قزاقستان کے صدر نور سلطان نزرباییف نے منظور کیا ہے کی حمایت کی ہے لیکن کچھ لوگوں نے اس نئے قانون پر اعتراض کیا ہے۔
مقامی اور غیر ملکی انسٹی ٹیوٹس کے اراکین نے اس بارے کہا ہے کہ اس قانون سے ملک میں بحران اور مشکلات پیدا ہوں گی۔
ذرائع ابلاغ نے کہا ہے کہ اس نئے قانون نے سرکاری اداروں میں نماز پڑھنے کو منع کر دیا ہے لیکن قزاقستان کے محکمہ مذہبی امور نے اس فیصلے کے مقابلے میں ردعمل کا اظہار کیا ہے۔
محکمہ مذہبی امور کے سربراہ ابوستار دربیسالی نے کہا ہے کہ اس فیصلے نے معاشرے کو ایسا نقصان پہنچایا ہے جس کا ازالہ نہیں ہو سکتا ہے۔