آل سعود کے ہاتھوں شیعہ باشندوں کی گرفتاریاں

سعودی عرب کی سیکورٹی فورسز نے گذشتہ ایک ہفتے کے دوران شہر قطیف اور العوامیہ میں درجنوں شیعہ مسلمانوں کو گرفتار کیا ہے۔ 

اہل البیت(ع) نیوز ایجنسی ۔ ابنا ۔ نے بعض عرب ذرائع ابلاغ کے حوالے سے نقل کیا ہے کہ شہر قطیف اور العوامیہ سے شیعہ رہنماؤں کے ایک وفد کی سعودی عرب کے وزیر داخلہ محمد بن نایف سے ملاقات کے بعد گرفتاریوں میں کمی کی بجائے اضافہ ہوا ہے۔ 

باخبر ذرائع کے مطابق سعودی عرب کے شیعہ اکثریتی مشرقی علاقوں میں گذشتہ ہفتے کے دوران بے گناہ شہریوں کی گرفتاریوں میں اضافہ ہوا ہے۔ سعودی عرب کی سیکورٹی فورسز نے ان علاقوں سے متعدد شیعہ جوانوں کو گرفتا کر کے نا معلوم مقام پر منتقل کر دیا ہے۔