یہودیوں نے تاریخی مسجد کو یہودی عبادت گاہ میں تبدیل کر دیا

خبررساں ایجنسی شبستان کی رپورٹ کے مطابق الاقصی محکمہ اوقاف نے ایک بیانیہ جاری کیا ہے کہ جس میں بتایا گیا ہے کہ یہودی شدت پسندوں نے ایک بار پھر حضرت داوود مسجد پر حملہ کر دیا ہے۔ واضح رہے کہ یہ تاریخی مسجد مسجد الاقصی کے جنوب مغربی علاقہ الالدجانی میں واقع ہے۔ اس مسجد کے بعض بیرونی حصے 17 ویں صدی میں عثمانی دور حکومت میں تعمیر کئے گئے تھے۔ 
یہودی شدت پسندوں نے اسرائیلی افواج کی حمایت میں اس مسجد کی پہلی منزل کو یہودی عبادت گاہ میں تبدیل کر دیا ہے۔
الاقصی محکمہ اوقاف کے سربراہ اغباریہ نے یہودیوں کے اس اقدام کو بزدلانہ قرار دیا ہے اور مطالبہ کیا کہ جلد از جلد اس کو مسلمانوں کے قبضے میں دیا جائے۔