افغانستان میں طالبان نے سرکاری فوج کے ٹھکانے پر حملہ کرنے کا دعوی کیا ہے۔
ابنا: افغانستان میں طالبان نے سرکاری فوج کے ٹھکانے پر حملہ کرنے کا دعوی کیا ہے۔ طالبان کے ترجمان ذبیح اللہ مجاہد نے کہا ہے کہ طالبان گروہ کے افراد نے آج صبح صوبے غزنی کے مقور علاقے میں افغان فوج کے ایک ٹھکانے پر حملہ کیا ہے۔ طالبان کے اس ترجمان کے بقول یہ حملہ ایک کار بم دھماکے سے کیا گيا جس میں اس فوجی ٹھکانے کو بھاری نقصان پہچا اور وہاں تعینات پینتیس افراد ہلاک و زخمی ہوگئے۔ قابل ذکر ہے کہ طالبان کے اس دعوے کی ابھی تک آزاد ذرائع سے تصدیق نہیں ہوئی ہے۔
source : abna
