اعش نے ایک جاپانی یرغمالی کو ہلاک کر دیا

جاپان کی حکومت کے ترجمان یوشی ہیدا سوگا نے اس اقدام کی مذمت کرتے ہوئے کہا ہے کہ جاپانی حکومت ہارونا یاکاوا کو قتل کر دینے کی ویڈیو کے درست ہونے کے بارے میں تحقیق کر رہی ہے- ترجمان کا کہنا تھا کہ جاپانی یرغمالی کے قتل کی اس ویڈیو فلم کا جاپانی حکومت کے ہنگامی اجلاس میں جائزہ لیا جائے گا- داعش نے اس سے قبل ان دو جاپانی یرغمالیوں کی رہائی کے بدلے جاپانی حکومت سے دو سو ملین ڈالر تاوان طلب کیا تھا- ان دو جاپانی یرغمالیوں میں سے ایک کو قتل کر دینے کے بعد اب داعش نے دوسرے یرغمالی کی رہائی بدلے اردن میں قید اپنے ایک کارکن کو آزاد کرنے کا مطالبہ کیا ہے- کہا جاتا ہے کہ جاپان کے وزیراعظم شینزو آبے نے اردن کے شاہ عبداللہ دوئم سے ٹیلی فون پر دونوں جاپانی یرغمالیوں کے بارے میں بات چیت کی ہے