![افغانستان کے صوبہ قندوز سے طالبان کا فرار افغانستان کے صوبہ قندوز سے طالبان کا فرار](https://erfan.ir/system/assets/imgArticle/2015/05/65032_429143_m.jpg)
کی رپورٹ کے مطابق قندوز کی سیکورٹی کمان کے ترجمان سید سرور حسینی نے کہا کہ افغان سیکورٹی فورسز نے مسلح مخالفین کو بھاری نقصان پہنچایا ہے اور وہ صوبہ قندوز سے فرار کر رہے ہیں۔ حسینی کے بقول قندوز میں موجود فوجیوں کی مدد کے لئے مزید فوجی دستے روانہ کئے گئے جس کے سبب اس صوبے میں طالبان کے خلاف جنگ میں اہم تبدیلیاں رونما ہوئی ہیں۔ انہوں نے کہا کہ حالیہ کارروائیوں میں تقریبا ساٹھ طالبان ہلاک اور زخمی ہوئے ہیں کہ جن میں غیر ملکی دہشت گرد بھی شامل ہیں۔ قندوز کی سیکورٹی کمان کے ترجمان نے کہا کہ خان آباد شہر کے قریب تلوکہ علاقے کے تیس دیہاتوں کو طالبان سے پاک کر دیا گیا ہے۔ گذشتہ دنوں کے دوران طالبان کے حملوں میں تیزی آنے کے بعد سے یہ تشویش پیدا ہو گئی تھی کہ افغان سیکورٹی فورسز میں طالبان کو سرکوب کرنے کی نہ تو طاقت ہے اور نہ ہی ان کے پاس فوجی سازوسامان ہیں۔ تاہم قندوز کی سیکورٹی کمان نے اعلان کیا ہے کہ وسیع فوجی کارروائیوں کے لئے کافی وقت درکار ہے اور صوبہ قندوز اس وقت سرکاری فورسز کے کنٹرول میں ہے۔
source : abna