کی رپورٹ کے مطابق جعفریہ الائنس کے سینئر نائب صدر مولانا حسین مسعودی نے کہا کہ حکومت عوام کے بنیادی مسائل حل کرے، خصوصاً پانی و بجلی کی فراہمی کو یقینی بنایا جائے کیونکہ عوام اس وقت سخت کرب میں مبتلا ہیں، گلبرگ ٹاؤن میں منعقدہ عوامی اجتماع سے خطاب کے دوران انہوں نے کہا کہ شدید گرمی میں بجلی و پانی کی عدم فراہمی نے عوام کا جینا دوبھر کر رکھا ہے، افسوس اس بات کا ہے کہ منتخب نمائندے اور حکومتی ذمہ داران اس طرف توجہ دینے کیلئے تیار نہیں کیونکہ وہ نہیں چاہتے ہیں کہ عوام کی پریشانی دور ہو اور وہ سکھ اور چین کے ساتھ رہ سکیں، انہوں نے گورنر اور وزیر اعلیٰ سندھ سے کہا کہ وہ یہاں بسنے والے تمام طبقات کے مسائل پر توجہ دیں کیونکہ عوام کی جان و مال اور ان کے حقوق کا تحفظ حکومت کی اولین ذمہ داری ہے جس کو نبھانے میں حکمران وقت ناکام نظر آتے ہیں۔ انہوں نے عوام کے تمام طبقات سے کہا کہ وہ اپنے حقوق کی جدوجہد جاری رکھیں اور پر امن طریقوں سے اپنی آواز ایوانوں تک پہنچائیں۔
source : abna
