مغربی عراق میں ۳۰۰ کے قریب دھشتگرد ہلاک

مصر کی الیوم السابع ویب سائٹ کی رپورٹ کے مطابق عراقی فوج اور عوامی فورس کی مشترکہ آپریشن کمان نے اعلان کیا ہے کہ شام سے عراق میں داخل ہونے والے دہشت گردوں کے قافلے اور ان کے ٹھکانوں پر عراقی لڑاکا طیاروں کے حملے میں دو سو ستّر سے زائد دہشت گرد مارے گئے ہیں- ہلاک ہونے والوں میں زیادہ تر عرب اور مغربی ملکوں کے دہشت گرد ہیں اور ان میں داعش کے سرغنے بھی شامل ہیں- اس کارروائی میں گاڑیوں میں بم نصب کرنے والے مقام کو بھی نشانہ بنایا گیا- ادھر عراقی ذرائع نے صوبہ الانبار کے مرکز الرمادی کے مغرب میں ایک سو ساٹھ کلو میٹر کے فاصلے پر واقع علاقے سنجک کو دہشت گردوں کے قبضے سے آزاد کرائے جانے کی خبر دی ہے- واضح رہے کہ داعش کے عناصر عراق کے بعض علاقوں پر قبضہ کرنے کے بعد انتہائی ہولناک جرائم کے مرتکب ہوئے ہیں-