اٹلی کے شمالی شہرنووارا میں پولیس نے ایک مسلمان خاتون کو برقع اوڑھ کر سڑک پر آنے کی پاداش میں پانچ سو یورو کا جرمانہ کردیا ہے۔ نووارا میونسپل پولیس کے ایک افسر مورو فرانزینیلی نے ایک غیر ملکی خبررساں ادارے کو بتایا ہے کہگذشتہ رات سٹی پولیس نے مسلمان خاتون کو جرمانے کا ٹکٹ دیا ہے اور اب انہیں پانچ سو یوروجرمانہ اداکرنا پڑے گا۔اس پولیس افسر کا کہنا ہے کہجہاں تک میں جانتا ہوں اٹلی میں یہ پہلی مرتبہ ہواہے کہ ایک خاتون کو برقع اوڑھنے پر جرمانہ عاید کیا گیا ہے۔اس افسر کا کہنا ہے کہ خاتون جرمانے کے خلاف اپیل دائرکرسکتی ہے۔نووارا اٹلی کے شمال مشرقی علاقے میں واقع ہے اور یہ شہر تارکین وطن مخالف ناردرن لیگ کا مضبوط گڑھ سمجھا جاتا ہے۔یہ جماعت وزیراعظم سلویوبرلسکونی کی قدامت پسند حکومت کی اہم اتحادی ہے۔بتایا گیا ہے کہ جن خاتون کا جرمانہ کیا گیا ہے وہ تیونس کی شہری ہیں،انہیں ایک ڈاک خانے کے باہر پولیس نے ان کے خاوند کے ہمراہ روکا تھا لیکن خاوند نے مردپولیس اہلکاروں کے سامنے اپنی اہلیہ کی شناخت کرانے سے انکار کردیا تھا جس کے بعد پولیس افسروں نیعلاقے میں گشت کرنے والے اہلکاروں کو بلا لیا جس میں شامل ایک خاتون پولیس افسر نے ان کی شناخت کی تھی۔
source : http://abna.ir/data.asp?lang=6&Id=184886
