فرانس حلال گوشت کے مراکز میں آتش سوزی کے واقعات میں اضافہ

بین الاقوامی: فرانس میں پیغمبر اسلام(ص) کے توہین آمیز خاکوں کی اشاعت کے بعد مسلمانوں پر حملوں کے واقعات میں اضافہ ہوا ہے۔

خبررساں ایجنسی شبستان نے بعض عرب ذرائع ابلاغ کے حوالے سے خبر دی ہے کہ حالیہ دنوں میں فرانس میں مسلمانوں پر حملوں کے واقعات میں بہت زیادہ اضافہ ہوا ہے اس ملک میں حلال گوشت فراہم کرنے والے مراکز میں متعدد بار آتش سوزی کے واقعات ہوئے ہیں۔

چند روز قبل فرانس کے "مینیمیہ" نامی علاقے میں شدت پسندوں نے مسلمانوں کے ایک ریسٹورنٹ پر حملہ کردیا اور اس ریسٹورنٹ کو آگ لگادی جس کے نتیجہ میں سات افراد کو ہسپتال لے جانا پڑا۔