حضرت اویس قرنی(رض) کے مزار کو دھماکہ خیز مواد سے مکمل طور پر اڑا دیا گیا
عراق و شام میں اسلامی حکومت سے موسوم دھشتگرد گروہ داعش نے شام میں جلیل القدر صحابی رسول (ص) حضرت اویس قرنی کے مزار کو دھماکہ خیز مواد نصب کر کے مکمل طور پر اڑا دیا ہے۔
اہل بیت(ع) نیوز ایجنسی۔ابنا۔ شام میں ایمینسٹی انٹرنیشنل نے اپنے ایک بیان میں کہا ہے کہ عراق و شام میں اسلامی حکومت سے موسوم دھشتگرد گروہ داعش کے مسلح افراد نے شام کے شمال میں واقع شہر رقہ میں جلیل القدر صحابی رسول (ص) حضرت اویس قرنی کے مزار کو دھماکہ خیز مواد نصب کر کے مکمل طور پر اڑا دیا ہے۔ العالم کی رپورٹ کے مطابق یہ دوسری مرتبہ ہے کہ جلیل القدر صحابی حضرت اویس قرنی کے مزار کو داعش دھشتگرد گروہ کے عناصر نے نشانہ بنایا ہے۔ واضح رہے کہ دھشتگرد گروہ داعش کے عناصر نے اس سے پہلے دو صحابی رسول (ص) حضرت عمار یاسر اور حضرت اویس قرنی کے مزاروں کو اس سال مارچ کے مہینے میں بھی تباہ کرنے کی کوشش کرتے ہوئے مزار کے میناروں کو راکٹ مار کر گرا دیا تھا۔ دھشتگرد گرد گروہ داعش کے عناصر کا شام کے شمالی شہر رقہ کے کچھ علاقوں پر ہولڈ ہے اس لئے اس دھشتگرد گروہ کے عناصر تکفیری ذہیت کے ساتھ صحافی رسول (ص) اور صحابی حضرت امام علی علیہ السلام کے حرم ہائے مطہر کو تباہ کررہے ہیں۔
source : abna.ir
