اہل بیت(ع) نیوز ایجنسی۔ابنا۔ الکویت ٹی وی چینل نے کویت کی شیعہ مسجد میں نماز جمعہ کے دوران ہوئے دھشتگردانہ حملے کی خبر دی ہے۔
کویت کے علاقے الصوابر میں واقع مسجد امام صادق (ع) میں یہ خود کش حملہ نماز کے دوران کیا گیا جس میں کئی افراد شہید اور زخمی ہوئے ہیں۔
المیادین ٹی وی چینل کی رپورٹ کے مطابق نماز جمعہ کی آخری رکعت میں خود کش حملہ آور نے خود کو دھماکے سے اڑا دیا۔ جس میں پندرہ نمازی شہید اور دسیوں زخمی ہوئے ہیں۔
مسجد امام صادق علیہ السلام میں دھماکے کے فورا بعد کویت کا بادشاہ موقع پر حاضر ہوا۔
کویت کی پارلیمنٹ نے اس واقعہ کے عوامل و اسباب کی چھان بین کرنے کے لیے ہنگامی اجلاس بلا لیا ہے۔
دھشتگرد ٹولے داعش نے اس دھماکے کی ذمہ داری قبول کر لی ہے۔
۔۔۔۔۔۔۔۔۔۔۔
مزید معلومات
پریس ٹی وی کی رپورٹ کے مطابق کویت کی اس شیعہ مسجد میں نماز کے دوران ہوئے خودکش حملے میں ۲۵ افراد شہید اور ۲۰۲ افراد زخمی ہوئے ہیں۔
